தண்ணீர் தண்ணீர்

தண்ணீர் தண்ணீர்,

காவேரி வடிநில வறட்சி தொடருது

வக்கீல் சதம் 1200 கோடி

வருது வருது நீதி வருது 17 வருடமா 

தண்ணீரோட சேர்ந்து வருது

சோழ நாடு சோறுடைத்த நாடு

இப்போ சோர்ந்து போயி  

சோகத்துல தள்ளாடுது

முல்லை பெரியார் பலம் போச்சாம்

அன்று கட்ட 8 வருடம்

பொத்தல் அடைக்க 13 வருடம்

ஆனாலும் 18 கோடி   கணக்காச்சி

பத்தலையாம் இடிச்சே ஆகணுமாம்

ஜனநாயகத்தின்

மூணு தூணும் முடங்கி போச்சு

நாலாம் தூண் கல்லாகட்டுது

வந்தாரை வாழ வைக்கும் தமிழகம்

வாங்க வாங்க எங்களை ஆள வாங்க

பாண்டி நாடு படுத்து தூங்குது

தேனீ கம்பம் முழிச்சி பார்க்குது

120 அடி அதுக்கு போதுமே

மேல வந்தாதான் கிழக்கு செழிக்கும்

136 நிலைத்து போனதால்

152 மறந்து போச்சோ?

38000 ஏக்கர் தரிசா போச்சு

86000 ஏக்கர் ஒரு போகம் ஆச்சு

ஆனா என்ன 

ரியல் எஸ்டேட் கல்லாகட்டுது

ஆத்து மணலும் கேரளா போகுது

எங்களுக்கு தேவை எல்லாம்

அரிதார முகமும்

அடுக்கு வசனமும்

வெள்ளிதிரையோ சின்னத்திரையோ 

அது மட்டும் போதும் 

வந்தாரை வாழ வைக்கும் தமிழகம்

வாங்க வாங்க எங்களை ஆள வாங்க

வந்து போடுங்க பட்டை நாமம்

அடுத்து போடுங்க வடகலையா 

                              தென்கலயானு பட்டிமன்றம்

கட்சிய காணோம், கொடிய காணோம்

மேடை காணோம், மாண்புமிகுவும் காணோம்

பாட்டாளியின் போராட்டம், வயித்து பசி போராட்டம்

142 கேட்டுத்தான் இன்றைக்கு போராட்டம், 

கடல்ல கலக்குற தண்ணிக்குதான் போராட்டம்

மீண்டும் பட்டினி சாவா, பத்துலட்சம் உயிர் பலியா ?

தாங்காது தமிழா ரௌத்திரம் பழகு!